Жезуш Роналду ҳақидаги саволга Португалия мағлубиятидан кейин қаттиқ жавоб берди

Португалия терма жамоаси бош мураббийи Жорже Жезуш Данияга қарши 1:4 ҳисобидаги мағлубиятдан кейин таркибда ҳужумчи Криштиану Роналдунинг йўқлиги ҳақидаги саволга жавоб берди.

Брагадаги Миллатлар лигаси учрашуви португалияликлар учун 41 ёшли ҳужумчи терма жамоадаги фаолиятини якунлаганини эълон қилганидан кейинги биринчи ўйин бўлди.

«Роналду етишмади дегани нима? У энди терма жамоа учун ўйнамайди. У бизга қандай ёрдам бера оларди? Балки ҳозир шу матбуот анжуманида менинг ёнимда турган бўлармиди? Криштиану энди ўйнамайди, у бу ерда йўқ. У якуний қарор қабул қилди», — деб келтиради Жезушнинг сўзларини Actu Foot нашри.

Эслатиб ўтамиз, «Ал-Наср» ҳужумчиси мураббий билан келишмовчиликлар сабабли олдинги йиғинини муддатидан олдин тарк этган эди. Ноябрь бошида у Португалия терма жамоасидан кетишини маълум қилди.

Изоҳлар
Изоҳлар йўқ. Биринчи бўлинг!